TIRANË– Prokuroria e Tiranës ka vënë këtë të martë përballë njëra-tjetres ish-zyrtren e lartë Alda Klosi dhe pastruesen Rozeta Dobi për tu ballafaquar. Mësohet se në fillim në Prokurori është shoqëruar Rozeta Dobi dhe më pas ka shkuar edhe Alda Klosi. Të dyja do të përballen me njëra-tjetrën për origjinën e parave që u gjetën në aspiratorin e shtëpisë së Rozeta Dobit.
Kjo do të jetë përballja e parë mes Klosit dhe Dobit. Kjo e fundit, e arrestuar bashkë me të birin Havier Dobi kanë deklaruar para hetuesve se paratë e gjetura në shtëpinë e tyre, shuma prej 500 mijë eurosh janë marrë të gjitha në shtëpinë e ish-shfees së Kabinetit të ish-ministrit Arben Ahmetaj. Nga ana tjetër Klosi mohon këto pretendime. Ky ballafaqim pritet që të sqarojë më shumë detaje lidhur me ngjarjen.
