TIRANË– Ambasada e Shteteve të Bashkuara të Amerikës në Tiranë dalë me një deklaratë këtë të shtunë ku u bën thirrje të gjithë qytetarëve të saj në Tiranë që më datë 6 mars, ditë kur do të zhvoillohet samiti BE-Ballkani Perëndimor dhe protesta e opozitës të shmangin rrugët e bllokuara. Në njoftim thuhet se situata për shkak të protestës mund të përshkallëzohet dhe se për shkak të bllokimit të rrugëve kryesore ajo mund të shtrihet në rrugët përreth duke ndikuar në bllokimin e rrugëve dhe të shkaktimin e një trafiku të rënduar.
NJOFTIMI I AMBASADËS:
Për shkak të masave të marra në mbështetje të samitit BE-Ballkani Perëndimor në Tiranë të martën, pritet mbyllje e rrugëve dhe devijime të trafikut përgjatë gjithë ditës në qendër të kryeqytetit dhe në Unazë. Ambasada është në dijeni se mund të ketë një tubim në qendër të Tiranës. Protestat kanë potencialin të përhapen dhe në rrugët përreth duke shkaktuar bllokime të trafikut, devijime dhe mbyllje shtesë të rrugëve. Qytetarët amerikanë këshillohen të shmangin grumbullimet e mëdha. Edhe pse shumë evente masive zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionet më të fundit
