Ibrahimaj jep LAJMIN: Nga prilli paga minimale shkon 40 mijë lekë! S'ka lidhje me zgjedhjet

Ibrahimaj jep LAJMIN: Nga prilli paga minimale shkon 40 mijë lekë! S’ka lidhje me zgjedhjet

TIRANË– Ministrja e Ekonomisë dhe Financave Delina Ibrahimaj pas mbledhjes së qeverisë ka deklaruar se paga minimale do të rritet me 17% duke shkuar në 40 mijë lekë të reja më datë 1 prill. Sipas ministres kjo nuk ka të bëjë me zgjedhjet lokale të 14 majit por me planin e qeverisë për përnballimin e rritjes së inflacionit.

Delina Ibrahimaj: Ne kemi ndërhyrë dy herë në pagën minimale, me qëllim që të mitigojmë krizën. Është një numër i konsiderueshëm punonjësish me pagë minimale. Në tre vitet e ardhshme synojmë që paga minimale të mos jetë më më e ulta në rajon. Arsyeja tjetër është se ne nuk duam t’iu shtojmë kosto shtesë biznesit. Kjo nuk është një politikë që bëhet për zgjedhjet.

Pyetje: A po e përdor maxhoranca rritje ne pagës si një instrument elektoral pasi jemi vetëm dy muaj para zgjedhjeve?

Delina Ibrahimaj: Është një gjë që e kemi bërë për të përballuar rritjen e inflacionit. Paga minimale në vend është paga më e ulët në rajon., Synojmë që të mos jetë më paga më e ulët në rajon në Shqipëri. Synojmë që Shqipëria të mos jetë tërheqëse vetëm për biznesin, por edhe për forcën punëtore. Ne nuk duam t’i shtojmë kosto shtesë biznesit. Kjo është arsyeja që jemi duke subvencionuar sigurimet. Kjo është një politikë që shkon në mbështetje të të gjithë punëonjësve që janë pagamarrës minimalë. Ekziston karta sociale evropian që ka si nivel dhe detyrim të pashkruar, që niveli i këshillueshëm i pagës minismale në vend duhet të jetë jo më i ulët se 60% e pagës mesatare. Paga prej 40 mijë lekësh rritesh që nga prilli.