TIRANË– Ministrja e Bujqësisë Frida Krifca ka deklaruar se është miratuar fondi 3.3 miliardë lekësh për tu ardhur në ndihmë fermerëve. Deklaratën e bëri gjatë fjalës së saj pas mbledhjes së qeverisë ku tha se me paratë do të financohet programi i naftës. Sipas ministres prioriten do të jenë sistemet e prodhimit në sera, luleshtrydhet dhe rrushi.
Frida Krifca: I gjithë totali i mbështetjes është 3.3 miliardë lekë. Të gjitha sistemet që kanë të bëjnë me naftën do të financohen me 1.4 miliardë lekë. Anijet e peshkimit do të mbështeten gjithashtu, sistemet e prodhimit në sera, gjithçka që ka të bëjë me perimet, rrushin apo luleshtrydhet. Edhe këtë vit do të vazhdojmë me mbështetjen e tregjeve të reja në bashkëpunim me bashkitë. Sidomos me bashkitë që nuk kanë mundësi të hapin tregje të reja. Së fundmi do të vijojmë me politikën tonë të skemës kombëtare të trjanimit për rinovimin e dijeve për fermerët tanë.
