TIRANË– Detaje të reja kanë dalë në dritë nga masakra e nddhur në Puskuqan. Mësohet se autori i ngjarjes Dan (Ramazan) Hutra është një person me precedentë të mëparshëm kriminal pasi në vitin 2007, ai është akuzuar për vrasjen me thikë të bashkëjetueses së tij, Dafina Havalja, me të cilën bashkejetonte në një banese me qira në një lagje të Tiranës.
Në atë kohë Hutra kishte qenë emigrant në Greqi dhe menjëherë pas krimit Interpoli u vu në lëvizje, se ai mund të arratisej nga momenti në moment. Po ashtu, ai ka qenë i akuzuar për përdhunimin e kunatës në vitin 2003, krim për të cilin ka vuajtur vetëm tre vite burg.
Ndërkohë këtë të mërkurë pas ndarjes nga ish-bashkëshortja ai i zuri pritëe asaj dhe familjarëve të saj dhe hapi zjarr duke qëlluar me kallashnikov në drejtim të tyre. Viktima të sulmit me armë mbetën Mevlute Hysa 30 vjeçe, (motra e ish-bashkëjetueses së tij) dhe Hasime Dafku 30 vjeçe, (e fejuara e vëllait të ish-bashkëjetueses). Ndërkohë të plagosura kanë mbetur Elena Hysa, 35 vjeçe, dhe Kujtime Hysa, 60 vjeçe (ish-bashkëjetuesja e tij dhe nëna e saj). Ngjarja ndodhi rreth orës 12:30 në rrugën ‘Rustem Haklaj’, në Kodër-Kamzë. Pass krimit ai u arratis me makinë. Policia është vënë në ndjekje të tij.
