TIRANË– Inspektoriati i Lartë i Drejtësisë ka bërë një njoftim për mediat, duke lajmëruar se do të nisin hetimet lidhur me rastin e ndodhur. Në njoftimin e bërë nga zyra e shtypit, ILD ka urdhëruar nisjen e verifikimit të rastit për të identifikuar, përgjegjësinë nga ana e gjyqtarëve.
NJOFTIM PËR MEDIAT
Inspektori i lartë i Drejtësisë po ndjek me vëmendje komunikimet në media mbi ngjarjen tejet të rëndë të ndodhur sot në Tiranë, ku tre grave iu mor jeta dhe tre të tjera u plagosën, nga një individ i dënuar më parë për vrasje. Sic ka vepruar edhe në raste të tjera të ngjashme me ndjeshmëri të lartë publike, Inspektori i Lartë i Drejtësisë bën të ditur, se ka urdhëruar nisjen e verifikimit të rastit për të identifikuar, nëse ka, përgjegjësi disiplinore nga ana e magjistratëve.
