TIRANË– Gjakftohtë dhe aspak i penduar Dan (Ramazan) Hutra në dëshminë e parë të dhënë para oficerëve është shprehur se e ka kryer aktin se ka dashur. Ndërkohë raportohet se në momentin e arrestimit ka deklaruar se ishte bërë gati për të vrarë dhe kjë person të katërt.
Dan Hutra: Nuk jam penduar, i bëra se desha.
Hutra është vënë në pranga pas disa orësh në arrati në zonën e Sharrës, në periferi të Tiranës. Dan Hutra vrau me armë zjarri shtetaset, Mevlute Hysa 30 vjeçe, motra e ish-bashkëjetueses së tij dhe Hasime Dafku 30 vjeçe, e fejuara e vëllait të ish-bashkëjetueses. Gjithashtu, plagosi ish-bashkëjetuesen e tij Elena Hysa, 35 vjeçe, dhe nënën e saj Kujtime Hysa, 60-vjeçe. Ai dyshohet se është edhe autori i vrasjes së Etleva Kurtit, ditën e sotme në Kamzë. 31-vjeçarja Etleva Kurti është motra e Vladimir Kurtit, i dënuar me burgim të përjetshëm për vrasjen e Agim Bucit, në vitin 2018
