TIRANË– Kryetari i Partisë Demokratike Sali Berisha ka shtuar hije dyshimi dhe tek Zëvendës Ndihmës Sekretari i Shtetit i SHBA për Çështjet Europiane dhe Euroaziatike, Gabriel Escobar për lidhjet e këtij të fundit me kryeministrin Edi Rama dhe ish-kryedemokratin Lulzim Basha. Sipas tij Escobar mezi priste që ta priste Bashën në Uashington. Ai shtoi se asnjë akuzë për financim rus në PD nuk egziston dhe gjithçka sipas Berishës është bërë që Rama të merrte “peng” Lulkzim Bashën.
Sali Berisha: Rama tregon se çfarë formimi ka. Rama ka akuzuar, ka dërguar në prokurori Lulzim Bashës për larje parash dhe i ka mbyllur dosjen. Sipas ligjit në Shqipëri, Basha do dënohej për 6 vite. Asnjë akuzë në dosje nuk ekziston për para ruse sepse Ramës i interesonte pengmarrja. Kjo ka një anë tjetër të zezë. Raporti i shërbimit të inteligjencës, ky thotë CIA, thotë që PD-ja ka marrë para nga rusët. Donald Lu solli dosjen, është bërë pblike, shtroni pyetjetn, si ka mundësi që guvernatorja Kim bëri gjithçka për të mbajtur Lulzim Bashën në krye të PD-së? Si ka mundësi që këtu erdhi më datë 9 dhjetor 2021 Escobar, zyrtar shumë i lartë i SHBA-ve dhe tha se mezi pres Lulin në Uashington? Çfarë lojërash luheshin këtu? Nuk jam në gjendje t’i zbërthej, por di që pavarësisht akuzave që ishin mbi Bashën, u bë gjithçka që Basha të mbetej në krye të PD-së dhe të largohej Berisha që kurrsesi s’do ndiqte lojën e Ramës dhe të rusëve.
