TIRANË– Është zbardhur dëshmia e plotë e vrasësit “serial” që kreu masakrën e ditën e djeshme duke vrarë tre gra dhe duke plagosur rëndë tre të tjera. Para efektivëve të policisë ai ka thënë se të dashurës së tij në Astir Marjana Gurakuqi nuk ka dashur vetëm ta plagosi por që ti presë fytyn. 40-vjeçari ka deklaruar se kjo ka ndodhur për shkak të një borxhi prej 80 mijë eurosh që Gurakuqi i kishte. Ai tha se nuk donte ta vriste me armë pasi kështu do i prishejoplani për vrasjet e tjera. Ndërsa sa i përket vrasjeve në Kamëz ai tha se nuk donte të vriste gratë por ish-vjehrrin e tij. Ndërsa sa i përket vrasjes së Etleva Kurtit Hutra tha se ka shkuar në shtëpi për të vrarë vëllain e saj Vladimir Kurti duke mos gjetur atë vrau motrën.
Dan Hutra: Planin e kisha të përgatitur dhe kisha 4 objektivë për të vrarë. Në fillim doja të vrisja 40 vjeçaren në Astir, të cilën doja ta prisja në fyt, por u largua dhe në dyqan u futën njerëz të tjerë. Doja ta vrisja sepse më kishte 80 mijë euro borxh. Nuk doja ta qëlloja me armë sepse më pas nuk realizoja dot vrasjet e tjera. Më pas shkova në Kodër-Kamez, sepse doja të vrisja ish-vjehrrin, por duke qenë se nuk e gjeta më shtëpi, kam qëlluar ndaj grave. Pasi më mbaruan plumbat nxora thikën dhe sulmova me thikë. Më pas kisha dy objektivë, vëllain e Vladimir Kurtit dhe një person tjetër që i ka dhënë pistoletën vrasësit të babait tim para 23 vitesh. Duke qenë se e kisha më afër dhe nuk kishte trafik shkova te shtëpia e Vladimir Kurtit. U futa në banesë dhe nuk gjeta njeri, po kërkoja vëllain e Vladimir Kurtit. Kur dola në oborr thirra: A ka njeri këtu? Dhe doli motra e tij. Qëllova ndaj saj, ndërsa ndaj nënës nuk qëllova vetë, sepse nuk doja ta vrisja. Vrasjen e bëra sepse kisha sherr me vëllain e saj në burg dhe e kisha paralajmëruar. Mora makinën dhe u largova drejt Sharrës dhe rrugës jam ndeshur me disa patrulla policie te cilat shkonin drejt vendngjarjeve. Kur arrita në Kodër po prisja ardhjen e objektivit tjetër. Pas kryerjes së vrasjes së 4 unë do dorëzohesha vetë dhe do shkoja në burg.
Dan Hutra vrau me armë zjarri shtetaset, Mevlute Hysa 30 vjeçe, motra e ish-bashkëjetueses së tij dhe Hasime Dafku 30 vjeçe, e fejuara e vëllait të ish-bashkëjetueses. Gjithashtu, plagosi ish-bashkëjetuesen e tij Elena Hysa, 35 vjeçe, dhe nënën e saj Kujtime Hysa, 60-vjeçe. Ai është edhe autori dhe i vrasjes së Etleva Kurtit po ditën e djeshme në Kamzë. 31-vjeçarja Etleva Kurti është motra e Vladimir Kurtit, i dënuar me burgim të përjetshëm për vrasjen e Agim Bucit, në vitin 2018
