TIRANË– Ministri i Drejtësisë Ulsi Manja ka reaguar për herë të parë për ngjarjet kriminale të regjistruara ditën e djeshme në Paskuqan dhe Kamëz ku Dan Hutra ekzekutoi me armë zjarri tre gra dhe plagosi rëndë tre të tjera. Gjatë fjalës së tij nga foltorja e Kuvendit Manja u shpreh se opozita përdor çdo ngjarje të rëndë për politikë, sepse nuk u intereson jeta e shqiptarëve. Nuk kanë munguar as “thumbat” për kreun e PD Sali Berisha, i cili tha se Hutra është patronazhist i Partisë Socialsite. Manja tha se Dan Hurta ka qenë komisioner i Berishës për 16 vite në burgje.
Ulsi Manja: Unë bashkohem me dhimbjen e viktimave të djeshme të atij krimi makabër. Po ju edhe aot i përdorni për politikë sot këtu për të ushqyer revolucionin e ditës së nesërme se s’u interesojnë jetët e shqiptarëve. Madje Saliu këtu, edhe autorin e atij krimi e quajti pa pikë turpi patronazhist. Kur gjithë e dinë që për 16 vite në burgje ka bërë komisionerin e Saliut. Janë fakte këto po ju s’keni nga t’i dini.
