TIRANË– Përfaqësuesi ligjor i grupit Alibeaj në Gjykatë e Apelit Insrit Sefa ka folur për mediat pas daljes nga seanca ku Apeli riktheu për rigjykil çështjen në Shkallë të Parë. Ai tha se ditën e hënë do të regjistrohen në KQZ dhe se PD vazhdon të drejtohet nga organet legjitime të saj. Po ashtu Sefa shtoi se vensimi i Zhukrit që njihte Komision e Rithemelimit si organ legjitim për drejtim e partisë ka rënë
Indrit Sefa: Duhet t’ju falenderoj për prezencën tuaj për këtë seancë maratonë, jam mirënjohës. Gjylata vendosi rikthimin në shkallën e parë, me një trupë tjetër gjyqësore. Ky ishte vendimi që u mor sot. PD vazhdon të drejtohet nga organet legjitime të saj. Do të regjistrohemi të hënën në KQZ. Nuk ka gjyqtar që të marrë të njëjtin vendim si zoti Zhukri. PD ka organe legjitime që do të vazhdojnë drejtimin e partisë. Nuk është çështje drejtimi, vulash. Legjitimiteti u vërtetua sot. Ka organet e veta PD që marrin vendimet për këtë punë. PD ka një seli dhe është ajo zyrtarja. Edhe njëherë, PD ka një seli dhe organet ligjitime. Mos më kërkoni të shpreh, nëse nuk e kuptoni, unë nuk mund të flas personalisht për veprime kolegjiale. Kodi Zgjedhor është i qartë, na e lini ne juristëve në dorë se e zgjidhim ne. Ne nuk i dimë afatet e gjykatës. Nuk flas as për fitore, as për gjysëm-fitore. PD e ndihmojnë që të gjitha pjesët e saj të jenë për demokratët. Vendimet e gjykatave janë vendime të zbatueshme.
Pyetje: Si do i merrni vendimet nga KQZ?
Indrit Sefa: Mos u shqetësoni për teknikalitete të tilla. Të jeni të qetë. Më bëni ca pyetje, doni të merrni vesh për vendimin, apo për zyra e vula. Faleminderit.
