MALAJZI– Një ngjarje horror është regjistruar në Malajzi ku një krokodil ka ngrënë të gjallë një djalë 1 vjeç në sy të babait të tij, i cili tentoi ta shpëtonte duke mbetyur dhe vetë i plagosur por nuk ja doli dot. Ngjarja ka tronditur mbarë opinionin publik ku të shumta kanë qenë deklaratat në lidhje me ngjarjen. Fëmija i vogël ra nga kanoja ku po qëndronte me të atin në momentin që krokodili e ‘rrëmbeu”.
Babai i tij u hodh menjëherë në lumë por nuk ja doli ta shpëtonte. Të shumtë ishin dhe fshatarët që erdhën në ndihmë të tyre por dhe ata nuk bënin dot gjë për vogëlushin pasi tashmë ishte tepër vonë.
“Babai pësoi lëndime të rënda në kokë dhe në trup. Djali i tij është ende i zhdukur dhe operacionet e kërkimit janë duke vazhduar”, tha Sumsoa Rashid, kreu i Agjencisë së Zjarrfikësve dhe Shpëtimit Lahad Datu.
Zyrtarët kanë paralajmëruar gjithashtu fshatarët që jetojnë përgjatë brigjeve të lumit që të qëndrojnë larg për shkak të kërcënimit të një sulmi tjetër pasi ky nuk është rasti i vetëm i ndodhur.
