MALIQ– Një aksident është regjistruar në mesnatë në rrugën “Zvezdë-Pojan”, Maliq. Raportohet se një 27-vjeçar i identifikuqr me inicialet G.A duke drejtuar një makinë tip ‘Volkswagen’ ka humbur kontrollin dhe ka dalë nga rruga. Për pasojë tre persona kanë mbetur të plagosur.
NJOFTIMI I POLICISË:
Maliq/Informacion paraprak Mesnatën e djeshme, në rrugën “Zvezdë-Pojan”, Maliq, shtetasi G. A., rreth 27 vjeç, banues në fshatin Pojan, duke drejtuar automjetin tip “Volkswagen”, dyshohet se ka humbur kontrollin dhe për pasojë, automjeti ka dalë nga rruga. Nga ky aksident janë dëmtuar shtetasi G. A. dhe vëllai i tij, shtetasi K. A., 30 vjeç, pasagjer në këtë automjet, të cilët ndodhen në spitalin e Korçës, në kujdesin e mjekëve. Grupi hetimor po kryen veprimet procedurale dhe vijon puna për përcaktimin e shkakut të këtij aksidenti.
