GJIROKASTËR– Një 68-vjeçar i identifikuar si Apostol Kulla është gjetur i pajetë në banesën e tij në fshatin Bodrishtë të Dropollit këtë të hënë. Raportohet se i moshuari jetonte i vetëm pasi ishte divorcuar nga bashkëshortja. Shkak për vdekjen e tij dyshohet të jetë asfiksia. Mësohet se Kulla kishte lënë të ndezur ngrohësen që funksiononte me gaz, ndërsa banesa ishte e mbyllur dhe pa dritare hapur për qarkullimin e ajrit. Në vendin e ngjarjen kanë mbërritur ekspertët e grupit hetimor të cilët po punojnë për zbardhjen e plotë të ngjarjes.
NJOFTIMI I POLICISË:
Gjirokastër/Informacion paraprak. Rreth orës 13:50, në fshatin Bodrishtë, Dropull, është gjetur i pajetë, në banesën e tij, shtetasi A. K., 68 vjeç, i cili jetonte vetëm. Paraprakisht dyshohet se ky shtetas ka humbur jetën për shkak të gjendjes së asfiksisë që i është shkaktuar nga rrjedhja e bombolës së gazit. Në vendngjarje ndodhet grupi hetimor dhe po punon për zbardhjen e rrethanave të ngjarjes.
