BULQIZË– Një 21-vjeçar është vënë në prangat e policisë këtë të hënë pasi akuzohet për drejtim mjeti në mënyrë të parregullt. I riu është futur në oborrin e një shkolle me makinë duke shqetësuar dhe trembur nxënësit.
NJOFTIMI I POLICISË:
Ky shtetas me automjetin e tij është futur në oborrin e një shkolle duke u bërë shqetësim për nxënësit dhe më pas është larguar. Pas ndjekjes dhe ndalimit për verifikim ka rezultuar se 21-vjeçari drejtonte mjetin pa u pajisur me leje drejtimi. Gjithashtu ky shtetas me datë 01.03.2023, në Klos, nuk i është bindur urdhërit të punonjësit të policisë për të ndaluar. Materialet procedurale i kaluan Prokurorisë për veprime të mëtejshme.
