POGRADEC– Janë zbardhur detaje të reja në lidhje me plagosjen me thikë të regjiustruar mbrëmjne e djeshme në Pogradec. Mësohet se i mituri që u plagos me thikë nga bashkëmoshatari ëeshtë nisur drejt spitalit të Traumës për shkak se ka pasur një keqësim të gjendje së tij shëndetësoree për shkak të plagës së marrë nga thika në bark. Po ashtu policia bën me dije se është arrestuar në flagrancë autori i ngjarjes. Ai do të përballet me akuzën e “plagosjes së rëndë me dashje”.
NJOFTIMI I POLICISË:
Pogradec/Plagosi me mjet prerës (thikë) një bashkëmoshatarin e tij, vihet në pranga 15-vjeçari, autori i dyshuar i ngjarjes. Mbrëmjen e djeshme, në lagjen nr. 1, Pogradec, në ambientet e një lokali, një shtetas 15-vjeç, banues në fshatin Vërdovë, Pogradec, dyshohet se ka plagosur me mjet prerës (thikë) një bashkëmoshatarin e tij, i cili u transportua në spitalin e Traumës Tiranë, në gjendje të rëndë shëndetësore. Falë ndërhyrjes të shpejtë, shërbimet e Policisë, bënë të mundur kapjen dhe ndalimin autorit të dyshuar të plagosjes, ku në përfundim të veprimeve procedurale specialistët për Hetimin e Krimeve të Komisariatit të Policisë Pogradec arrestuan në flagrancë 15-vjeçarin për veprën penale “Plagosja e rëndë me dashje”. Në cilësinë e provës materiale u gjet dhe sekuestrua mjeti prerës (thikë). Materialet i kaluan Prokurorisë pranë Gjykatës së Shkallës së Parë Pogradec, për veprime të mëtejshme.
