TIRANË– Familjarët e të shumëkërkuarit të drejtësisë Ervis Martinaj kanë ankimuar vendimin e Gjykatës së Posaçme kundër Korrupsionit dhe Krimit të Organizuar për sekuestrimin e 34 pasurive të tij dhe kërkojnë lirimin e tyre. Mësohet se ankimimi është depozituar prej ditësh në Apel, por pritet që sot të hidhet shorti për caktimin e gjyqtarit dhe caktimin e një date për shqyrtimin e kësaj kërkese.
Me urdhër të Prokurorisë së Posaçme Kundër Korrupsionit dhe Krimit të Organizuar rreth një muaj më parë u sekuestruan pasuritë e Martinajt dhe familjarëve të tij, pasuri që kapin vlerën e miliona eurove, pasi dyshohet se janë vënë nga aktiviteti kriminal.
