TIRANË– Kryetari i Partisë së Lirisë Ilir Meta gjatë një konference për mediat e quajti Sali Berishën si “vulën e gjallë” të Partisë Demokratike. Ai u pyet nga gazetarët në lidhje me koalicionin me PD dhe se a do të garojë PD nën logon e Partisë së Lirisë, njësoj si në 6 mars kur dy partitë u bashkuan në koalicionin “Shtëpia e Lirisë”. Meta tha se 6 marsi është një histori krenarie për të vetë, edhe pse asokohe ishte ende president.
Pyetje: Nëse ju pranoni koalicioni dhe skenari do të jetë si i 6 marsit. Jemi në të njëjtat kushte, Berisha nuk e ka vulën.
Ilir Meta: Tani zoti Berisha është vetë vula e gjallë e Partisë Demokratike në të gjithë aspektet. Të lutem, meqë kujtuat 6 marsin nuk kam qenë në koalicion me të. Nuk doja po meqë na kthyet te 6 marsi. Jam krenar për dekretin e 6 marsit. Opozita që besojnë dhe duan shqiptarët që janë tepër të lodhur dhe të tradhtuar nga një “fake opozitë”. Unë jam online me zotin Berisha gjithë kohën dhe me demokratët e vërtetë. Përfshirë edhe shumë socialistë të vërtetë. Rilindja e ka mendjen te ata që blen.
