Olta dhe Kiara debatuan sërish ditën e sotme dhe shkak për këtë u bë zhurma në dhomën e gjumit gjatë mesnatës. Ishte Olta ajo që i tha Kiarës se ka dy netë pa gjumë dhe se ajo dhe të tjerët bëjnë zhurmë qëllimisht që Olta të mos fle rehat. Kiara tha se po puthej e po përqafohej me Luizin dhe se ankesa e saj është e tepërt, pasi ata nuk po bënin zhurmë.
Olta i tha Kiarës se ajo po flet përçart dhe se mbrëmë i kishte thënë asaj 20 herë të mos bëntë zhurmë. Kjo e fundit shtoi se kur një person është duke fjetur, nuk është normale që dikush të bëjë zhurmë në dhomë.
