KURBIN– Policia ka dalë me një njoftim zyrtar për plagosjen e ndodhur në Lagunën e Patokut në Kurbin. Blutë e Kurbinit bëjnë me dije se një 56-vjeçar i identifikuar me inicialet bB.S banues në Milot ka qëlluar me çifte 49-vjeçarin Besnik Pjetri banues në Krujë. I plagosuri ndodhet në jashtë rrezikut për jetën. Po ashtu raportohet se janë ngritur disa pika kontrolli në zonë me qëllim kapjen e autorit.
NJOFTIMI I POLICISË:
Kurbin / Informacion paraprak. Në Lagunën e Patokut, Kurbin, rreth orës 17:00, shtetasi B. S. 56 vjeç, banues në Milot, dyshohet që pas një konflikti të çastit për motive të dobëta, ka plagosur me çifte, shtetasin B. P. 49 vjeç, banues në Krujë, i cili është transportuar në spital për ndihmë mjekësore dhe ndodhet jashtë rrezikut për jetën. Grupi hetimor në vendngjarje vazhdon veprimet hetimore për zbardhjen e plotë të rrethanave të ngjarjes. Janë ngritur pika kontrolli e po bëhet krehja e zonës me qëllim lokalizimin dhe kapjen e autorit.
