TIRANË– Kryeministri Edi Rama ka ndarë pamjet nga Forumi Ndërkombëtar i Turizmit që po mbahet në Berlin. Në një postim në rrjetet sociale kreu i qeverisë bën me dije se ky forum do të mbahet në Tiranë në muajin prill. Sipas tij Shqipëria ia ka dalë që të përfaqësohet denjësisht falë investimeve publike e private dhe ofertave të shumta turistike fale dhe shumëllojshmërisë së natyrës.
POSTIMI I RAMËS:
Shqipëria në ITB Berlin, Panairi më i madh i Turizmit në botë, ku më në fund përfaqësohemi denjësisht jo thjesht me natyrën e bukur po me një ofertë serioze turistike, falë punës këmbëngulëse vit pas viti, ndryshimit të imazhit të zymtë të Shqipërisë së deri disa viteve më parë, investimeve publike e private, si edhe një armate të dinamike operatorësh turistikë Pason në prill Forumi Ndërkombëtar i Turizmit në Tiranë, një bashkëpunim i ministrisë sonë të Turizmit e Mjedisit me Organizatën Botërore të Turizmit, për të cilin biseduam në Berlin edhe me Sekretarin e Përgjithshëm #UNWTO Zurab Pololikashvili.
