TIRANË– Deputetti i Partisë Demokratike Gazment Bardhi ka deklaruar se ka nisur sërish kontaktet me deputetët që mbështesin kreun e PD Sali Berisha sa i përket negociatave për të dalë me një kandidat të përbashkët në zgjedhjet vendore. I ftuar në News 24 Bardhi mohoi zërat se ka pasur takim apo bisedë mes tij dhe Sali Berishës. Ndër të tjera Bardhi shtoi se pavarësisht qëndrimeve të ndryshme me një pjesë të deputetëve demokratë, ata kanë biseduar për të gjetur një zgjidhje brenda PD-së.
Gazment Bardhi: Kam kontaktuar disa prej kolegëve. Kam pasur një bisedim me Palokën, që nuk sollën një rezultat dhe dështuan, siç e quani ju. Nuk e kam ndërprerë në asnjë moment përpjekjet e mia për të gjetur një zgjidhje. Me secilin prej kolegëve brenda PD-së, pavarësisht nëse mendojmë ndryshe, ne ulemi për të biseduar. Unë e kam hall jo personal, por politik gjetjen e një zgjidhje. Jo nuk jam takuar dhe nuk kam pasur kontakt me zotin Berisha. Në raport me veten kam zero interes, në raport me demokratët po. Duhet të fitojmë ato bashki që janë të fitueshme. Nëse do ketë dy kandidatë, ato e pamundësojnë fitoren. Unë kam biseduar me secilin prej kandidatëve të Primareve dhe me dy kandidatët rrezikohet fitorja e tyre,
