TIRANË– Deputetët e Partisë Demokratike Dashnor Sula dhe Dhurata Çupi kanë marrë pjesë këtë të enjte në seancën e Gjykatës Kushtetuese ku u shqyrtua kërkesa e bërë nga PD për shfuqizimin e Bordit të Çmimeve të Karburanteve. Në një prononcim pëer mediat jashtë Gjykatës deputetja Çupi tha se pjesë e këtij bordi janë tregtarët re naftës. Ndërsa Sula u shpreh se bordi dëmton ekonominë e shqiptarëve.
Dhurata Çupi: Në shtator depozituam kërkesën. U paraqitën qartësisht se akti normative është në cenim të thellë për sa i përket tregtisë së lirë, mbrojtjes së çmimeve abuzive të karburanteve. Një bord publik privat, i paparë në vende të tjera. Çmimet e karburantit kanë qenë të jashtëzakonshme më të larta se në 30 vite. Çmime abuzive dhe tepër të larta. Ky projektligj duhet të shfuqizohet. Do të flasë dhe Sula për argumentat që u ngritën në këtë seancë.
Dashnor Sula: Bordi është ngritur enkas. Çmimet në pakicë dhe shumicë kanë qenë dukshëm më të lartë. Për shkak të konkurrencës, u gjet mekanizmi dhe forma që të ngrihej një bord i caktuar. Baza e një tregu ekonomik është konkurrenca. Çmimi I karburantit të rritur në Shqipëri është jashtë normave. Si ka mundësi që brenda 3-4 orëve çmimi rritet? Është haptazi përfitues. Po të kemi parasysh dhe faktorët ndërkombëtar, kemi raste flagrante që janë kapur mijëra tonelata naftë kontrabandë në brigjet shqiptare. Kemi të bëjmë me mënyrë përfitimi në forma të ndryshme. Ne kemi bërë një studim për sa I përket, numrit të makinave dhe imprortit të naftës.
