TIRANË– Kryetari i Partisë Demokratike Sali Berisha ka hedhur poshtë çdo mundësi për një bashkëpunim me Enkelejd Alibeajn sa i përket zgjedhjeve vendore të 14 majit. Gjatë konferencës së përjavshme me gazetarët nga selia blu kreu i PD i cilësoi Alibeaj dhe Lulzim Bashën si pengje që kanë marrë vulën e PD-së me ndoihmën e kryenministrit Edi Rama.
Sali Berisha: Alibasha është një peng i Ramës dhe duhet ta ketë të qartë çdo njeri që me pengjet nuk negociohet kurrë. Po të jetë për të negociuar, logjika thotë se duhet negociuar me pengmarrësin, por kjo nuk do ndodhë kurrë ndonjëherë. Ata që mendojnë se me vulën e plaçkitur të Edi Ramës, mund të bëjnë Pazar me ne, dëshmojnë turpin e tyre. Ndaj Brava dhe Alibasha janë dy pengje me të cilët nuk mund të ketë asnjë lloj negociate.
