TIRANË– Pamjet që shihni tregojnë lokalin ku ndodhi masakra me 1 të vrarë dhe gjashtë të plagosur mes të cilëve një vajzë e vogël në zonën e “Don Bosko”. Një natë më pas lokalin e mbizotëruar heshtja e frikshme ndërkohë që xhamat e thyer janë dëshmi e kasapanës të kryer mbrëmë nga plumbat e kallashnikovit që u lëshuan me breshëri nga vrasësit që ende mbeten të paidentifikuar.
Atentati mafioz ndodhi mbrëmjen e djeshme në zonën e “Don Boskos” ku breshëri kallashnikovi u gjuajtën drejt lokalit në pronësi të Fatjon Muratit, një emër i njohur për botën e krimit. Murati dyshohet si i përfshirë në masakrën e e Fushë Krujës ku i vratë mbeti Brilant Marzinaj dhe dy miqtër e tij Diklen Vata dhe Besmir Hoxha. Fatjon Murati njihet si miku i Endrit Dokles. Si pasojë e të shtënave me armë mbeti e vrarë Mimoza Paja, 60 vjeçe, e cila punonte si banakiere si dhe u plagoaen 5 persona mes tyre dhe një vajzë 10-vjeçare që u dëmtua nga xhamat e thyer si pasojë e të shtënave. Të plagosurit e tjerë janë Sahit Murati (xhaxhai i Fatjon Muratit), Astrit Meraj, Emanuel Sala, Ermir Bejuku, Genc Shohalli, të gjithë jashtë rrezikut për jetën.
