TIRANË– Ministrja e Arsimit dhe Sportit Evis Kushi ka sqaruar këtë të hënë se nuk ka thënë për asnjë moment që mësues mund të bëhet dikush që nuk ka mbaruar për mësuesi. Gjatë fjalës së saj pas mbledhjes së qeverisë Kushi tha se zgjerimi i mundësive për aplikimine mësuesve nuk është në funksion të cenimit të procesit të mësimdhënies, përkundrazi shërben pikërisht për këtë gjë. Po ashtu ministrja deklaroi se është marrë vendim se persona me precedentë penalë nuk do të lejohen të punësohen në institucione arsimore. Kushi tha se deri më sot, të gjithë ata që ishin rehabilituar, kishin mundësi të punësoheshin, por tani, me ankimimet e shumta që janë depozituar nga prindërit, nuk do të lejohet më.
Evis Kushi: Nuk është e detyrueshme, ata dinë të shkrujën dhe të lexojnë. Një ndryshim tjetër lidhet me shkollat e orientuara, sot nuk kemi shkolla artistike por duam t’i japim të drejtën fëmijëve që kanë talent që të arsimohen. Do hapim klasa dhe në shkollat klasike. Shkollat e orientuara do ti trajtojmë si shkolla kombëtare. Nevoja ka ardhur nga qytete të vogla.
Pyetja: A ka dështuar qeveria që të prodhojë sistem me rrugë normale?
Evis Kushi: Dua ta saktësoj, nuk kam firmosur mësues që nuk kanë mbaruar mësuesi të bëhen mësues, por dikush që ka mbaruar ekonomi apo IT mund të ndjekë një program studimi me 30 kredite, mund të marrin licensën, bëjnë praktikën e më pas bëhen mësues. Pra duhet të kalojnë një rrugë për të ushtruar profesionin e mësuesit. Ligji ofron më shumë siguri për nxënësit duke bërë që në shkollat e institucionet arsimore të mos punësohen persona me precedentë penalë. Na u desh të ndërhynim në ligj sepse edhe personat që janë rehabilituar nuk do të kenë të drejtë të punësohen në këto institucione.
