TIRANË– Qeveria ka miratuar projektligjin për projektin e urës së Bunës, për të cilën u dakordësua gjatë mbledhjes së qeverisë me atë të Malit të Zi. Lajmin e bëri me dije zëvendëskryeministrja Belinda Balluku pas mbledhjes së Këshillit të Ministrave. Ndërtimi i Urës mbi Bunë, projekt që pritet të kushtojë deri në 20 milionë euro dhe do të bashkëfinancohet nga të dyja qeveritë.
Belinda Balluku: Kjo urë do të ndryshojë të gjithë mënyrën e komunikimit midis dy vendeve pasi kanë 34 km plazhe të cilat për ti aksesuar qytetarët duhet të bëjnë rreth 1.5 orë rrugë për 73 km. Ndërkohë që me ndërtimin në urën e Bunës, me 310 metra do të përshkruhet në vetëm 2 minuta. Ky është një investim që do të bëhet duke i ndarë investimet midis të dy vendeve. Rezulton që investimi të shkojë 1.5 miliardë lekë që do të ndahet 50 me 50.
