TIRANË– Kandidati i Partisë Demokratike në primaret për bashkinë e Kamzes Shemsi Premçi ka reaguar ashpër në lidhje me vijimin e këtij procesi. Në një postim në Facebook Premçi shktuan se socialistët kanë shkruar emrin në listat e votimit dhe po sabotojnë këtët proces. Sipas tij demokratët janë të detyruar ta shkruajnë emrin në lista me laps pasi nuk figurojnë në to. Ai shkruan se nuk do e njohë këtë proces për shkak të paligjshmërisë.
“Modeli i votimit ne Primaret e PD Kamez! Socialistat kanë emrin në listën e miratuar nga Kryesia e PD Kamëz, ndërsa Demokratëve ju shkruhet me dorë emri. Në këto kushte jam i detyruar të mos e njoh procesin dhe ti kërkoj PDSH një proces të dytë, duke i dhënë kohë konsolidimit të infrastruktures zgjedhore në Primaret e Partisë Demokratike”, shkruan Premçi në Facebook.
