TIRANË– Tridhjetë numra celulari janë vënë në përgjim nga policia me qëllim zbardhjen e ngjarjes së rëndë që tronditi Tiranën mbrëmjen e së dielës. Mësohet se shumica e këtyre kontakteve rezultojnë të fikura, por qëllimi është zbardhja e komunikimit mes tyre, në mënyrë që të zbardhen më shumë detaje mbi njerëzit që qëlluan me breshëri plumbash në drejtim të lokalin të Fatjon Muratit dhe vranë banakieren Mimoza Paja dhe plagosur pesë të tjerë mes tyre dhe një të mitur.
Atentati mafioz ndodhi mbrëmjen e djeshme në zonën e “Don Boskos” ku breshëri kallashnikovi u gjuajtën drejt lokalit në pronësi të Fatjon Muratit, një emër i njohur për botën e krimit. Murati dyshohet si i përfshirë në masakrën e e Fushë Krujës ku i vratë mbeti Brilant Marzinaj dhe dy miqtër e tij Diklen Vata dhe Besmir Hoxha. Fatjon Murati njihet si miku i Endrit Dokles. Si pasojë e të shtënave me armë mbeti e vrarë Mimoza Paja, 60 vjeçe, e cila punonte si banakiere si dhe u plagoaen 5 persona mes tyre dhe një vajzë 10-vjeçare që u dëmtua nga xhamat e thyer si pasojë e të shtënave. Të plagosurit e tjerë janë Sahit Murati (xhaxhai i Fatjon Muratit), Astrit Meraj, Emanuel Sala, Ermir Bejuku, Genc Shohalli, të gjithë jashtë rrezikut për jetën.
