TIRANË– Të tjera detaje kanë dalë në dritë nga masakra e dy ditëve më parë në “Don Bosko” ku mbeti e vrarë banakierja Mimoza Paja dhe u plagosën pesë të tjerë mes tyre mbesa e mitur e viktimës. Mësohet se makina e personave që kryen masakrën në lokalin e Fatjon Muratit, ku mbeti e vrarë banakierja Mimoza Paja është filmuar nga disa kamera sigurie në mbikalimin e Rinasit vetëm 10 minuta para se të ndodhte ngjarja. Raportohet se e gjithë rruga, nga Rinasi në drejtim të lokalit, zhvillimi i ngjarjes dhe kthimi i largimi sërish në drejtim të aeroportit, ka zgjatur vetëm 30 minuta.
Atentati mafioz ndodhi mbrëmjen e djeshme në zonën e “Don Boskos” ku breshëri kallashnikovi u gjuajtën drejt lokalit në pronësi të Fatjon Muratit, një emër i njohur për botën e krimit. Murati dyshohet si i përfshirë në masakrën e e Fushë Krujës ku i vratë mbeti Brilant Marzinaj dhe dy miqtër e tij Diklen Vata dhe Besmir Hoxha. Fatjon Murati njihet si miku i Endrit Dokles. Si pasojë e të shtënave me armë mbeti e vrarë Mimoza Paja, 60 vjeçe, e cila punonte si banakiere si dhe u plagoaen 5 persona mes tyre dhe një vajzë 10-vjeçare që u dëmtua nga xhamat e thyer si pasojë e të shtënave. Të plagosurit e tjerë janë Sahit Murati (xhaxhai i Fatjon Muratit), Astrit Meraj, Emanuel Sala, Ermir Bejuku, Genc Shohalli, të gjithë jashtë rrezikut për jetën.
