TIRANË– Një efektiv i Forcave RENEA ka rënë në prangat e policisë këtë të martë pasi gjatë ditës së sotme është shoqëruar me një person të dyshimtë që sipa policisë mund të ketë lidhje me masakrën e ndodhur dy ditë më parë në zonën e “Don Boskos” në kryeqyett ku u vra një 60-vjeçare dhe u plagosen pesë të tjerë mes tyre dhe një vajzë e mitur. Raportohet se është arrestuar efektivi Altin Morina.
Behet me dije se në mjetin e Morinës është gjetur një shumë e madhe parash. Dyshohet se ato kanë ardhur nga veprimtaria kriminale e shitjes së lëndëve narkotike. Altin Morina, shefi i trajnimit pranë repartit RENEA. Arrestimi i tij ka ardhur në kuadër të një operacioni të zhvilluar këtë mesditë në Tiranë.
