TIRANË– Po zhvillohet me debate të forta mbledhja e Komisionit Qëndror të Zgjedhjeve ku po shyqrtohen dy kërkesat e palëve të Partisë Demokratike të cilat kërkojnë regjistrimin në zgjedhje. Përfaqësuesi i grupit të Enkelejd Alibeajt ka kërkuar që në fillim të herës që dy kërkesat të ndahen pasi sipas tij PD që ai përfaqëson është lëgjitimja. Ndërkohë nga na tjetër Kryekomisioneri Ilirjan Celibashi i është drejtuar me ironi se po bën i “autogol” vetes.
Debati:
Indrit Sefa: Mund të më përcaktoni pak datën e kërkesës që po shqyrtohet.
Ilirjan Celibashi: E kemi bërë këtë diskutim, po i bëni autogol vetes.
Indrit Sefa: Zoti komisioner, autogolin ma lini mua. Dua numerin e protokollit të kërkesës që po shqyrtohet në këtë moment dhe datën e depozitimit.
Ilirjan Celibashi: Ne po shqyrtojmë kërkesën e PD-së si subjekt zgjedhor. Këtë kërkesë e kanë bërë dy palë. Ne vlerëojmë legjitimitetin e të dyja palëve. Me vendim vendosim regjistrimin apo jo të një partie.
Indrit Sefa: Kam bërë kërkesë më 6 mars me numër protokolli. Çdo individ tjetër të bëjë kërkesë veçmas dhe të shqyrtohet veçmas. Me këtë logjikë unë vij dhe kërkoj regjistrimin e Partisë Socialiste dhe e mbaj Partinë Socialiste peng gjithë jetën. Më tregoni numrin e kërkesës. Kushdo ka të drejtë të pretendojë këtë dojë, unë ju kërkoj të shqyrtoni kërkesën e PD-së për regjistrimin në zgjedhje. Ku e dini që është PD
Ilirjan Celibashi: Nuk e di, tani do ta marrësh vesh.
Indrit Sefa: Merre veç, po i jep të drejtë palës tjetër që të çojë çdo gjë në gjykatë. Me atë logjikë që thoni ju, të gjitha partitë do të dilnin me një vendim.
