TIRANË– Personi që shihni në foto është Altin Morina, efektivi i RENEA-s që u arrestua këtë të martë në Tiranë. Mësohet se Morina bënte shkëmbim të lëndëve narkotike kundrejt pagesës, gjë që shpjegon edhe shumën e parave që janë gjetur në mjetin e tij luksoz, tip “Audi”. Në mjetin e tij u gjetën 113 mijë euro. Morina u kap në zonën e Kodrës së Diellit bashkë me një person të dyshimtë, identiteti i të cilit nuk është bërë me dije.
Policia nuk ka dhënë detaje për personin e kapur në makinë me Morinën por dyshohet se ai është një person që mund të jetë përfshirë në masakrën e Don Boskos dy ditë më parë ku humbi jetën banakierja 60-vjeçare dhe u plagsosën rëndë pesë persona të tjerë mes tyre dhe mbesa e mitur e viktimës.
