SHKODËR– Një 29-vjeçar i identifikuar Brisel Kurtmetaj është arrestuar këtë të mërkurë nga Policia e Shkodrës pasi ishte shpallur në kërkim për tentativë vrasjeje. Blutë e Shkodrës bëjnë me dije se i riu ka tentuar të vrasë një person në vitin 2020, pas një konflikti me një këmbësor, të cilin e plagosi.
NJOFTIMI I POLICISË:
Ndalohet një 29-vjeçar i shpallur në kërkim, që tentoi të vriste me armë zjarri, një shtetas, pas një konflikti të çastit, në vitin 2020. Specialistët e Seksionit për Hetimin e Krimeve ndaj Personit ekzekutuan masën e sigurisë “Arrest në burg”, të caktuar nga Gjykata e Rrethit Gjyqësor Shkodër, për veprat penale “Vrasja me dashje” mbetur në tentativë, “Prodhimi dhe mbajtja pa leje e armëve luftarake dhe e municionit” dhe “Prishja e qetësisë publike”, për shtetasin:-B. K.(G.), 29 vjeç, banues në lagjen “Guerrile”, Shkodër.
