ZVICER – Në prag të ndeshjes së dytë të 1/16-tës së Champions League mes Napolit dhe Frankfurtit (fitore 2-0 për italianët në ndeshjen e parë), e cila pretendohet të luhet pa tifozët gjermanë, presidenti i UEFA-s, Aleksander Ceferin deklaroi pakënaqësinë e tij për këtë precedent, duke evokuar një “situatë e patolerueshme”.
Më 8 mars, prefektura e qytetit të Campania, e kishte ndaluar klubin napolitan t’u shiste bileta njerëzve me banim në Gjermani, nga frika e prishjes së rendit publik. Pas prishjes së këtij vendimi nga gjykatat, me kërkesë të Eintracht, u shqiptua një ndalim i ri, këtë herë vetëm për personat me banim në Frankfurt.
Prandaj, asnjë nga 2.700 vendet e ndara fillimisht për tifozët vizitorë në stadiumin ‘Maradona’ në Napoli nuk do të jetë i zënë. Për të siguruar që kjo situatë të mos përsëritet, Aleksander Ceferin shpjegoi se “nëse diçka e tillë do të ndodhë, atëherë klubet nuk do të luajnë në qytete të tjera, ku nuk ka sanksione të tilla.”
Gjatë ndeshjes së parë, policia gjermane kishte denoncuar disa incidente, një ditë më parë dhe ditën e ndeshjes, me disa arrestime. Eintracht dhe mbështetësit e tij janë nën mbikëqyrje të ngushtë nga UEFA pas pushtimit të fushës dhe përdorimit të mjeteve piroteknike në Waldstadion, pas fitores në finalen e Europa League kundër West Ham majin e kaluar.
Edhe në shtator, gjatë udhëtimit për në Marsejë në Champions League, incidente shpërthyen edhe mes mbështetësve të dy klubeve, me bomba tymuese të shkëmbyera mes tribunave dhe një tifozi të Frankfurtit u plagosur rëndë. Mbështetësit gjermanë bënë edhe përshëndetje naziste.
