TIRANË– Kryetari i Partisë Demokratike Sali Berisha ka deklaruar se në këto zgjedhje lokale PD do të futet në koalicion me Partinë e Lirisë të drejtuar nga Iliri Meta, Partia Bashkimi për të Drejtat e Njeriut drejtuar nga Vangjel Dule dhe Partinë Demokristiane të drejtuar nga Nard Ndoka. Deklaratat i bëri gjatë një prononcimi për gazetarët në dalje të selisë së PD. Ndërkohë në selinë blu vijojnë negociatat mes palëve.
Sali Berisha: Do të dalim në koalicion me PL, PBDNJ dhe PDK. Do të jenë në përputhje me ligjin. Koalicioni do të përfshijë të gjithë spektrin e djathtë. Koalicioni i gjerë fare do të jetë me shumë parti që zotohen të mbështetin kandidatët. Ka një ligj që merret përbazë rekordi elektoral. Mund ta quani koalicion “Fitimtar”, ashtu do të dalim, shihni Ramën, fytyrën skëterrë e ka.
