TIRANË– Luiz Ejlli është sot padiskutim një nga meshkujt më të komentuar të këtij Big Brother-i por jo vetëm. Luizi ia ka dalë që në pak muaj të bëhet epiqendra e gjithë formatit më të ndjekur të shqiptarëve dhe një pikë referimi për shumëkënd jashtë shtëpisë që sot gjejnë tek ai një personazh që pse jo duan ti ngjajnë. Loja e këngëtarit simpatik dhe të dashur për publikun u shoqërua me ulje dhe ngritje të forta që duket se i dhanë dhe emrin e “madh” që ai mban sot në Big Brother.
Lidhje e tij me moderatoren Kiara Tito është jo më vetëm më e diskutueshmja, kontestueshmja por dhe romantitka por po ashtu është e mbulur dhe me hije dyshimi të forta. A ka vërtetë një dashuri mes tyre? Pse dyshja nuk flet për lidhjet dhe jetën jashtë shtëpisë? Ku bashkohen dhe ndahen? Dhe mbi të gjitha çfarë do të ndodhë kur të dalin jashtë, a është realiteti i premtuar ai që do jetë i jetuar apo gjërat do të ndryshojnë.
Ne të Newszone.al duket se kemi gjetur përgjigjen. Besoj se të gjithë e keni vënë re një byzylyk që Luizi mban në dorën e tij të majtë. Nuk e ka hequr për asnjë moment nga dora dhe duket qartë se është i shtrenjtë për të. Çfarë e lidh Luizin dhe byzylykun? Mendohet se është një lidhje e lënë jashtë. Po po e lexuat mirë këngëtari duket se ka një romancë të lënë përgjysmë jashtë shtëpisë ndërkohë që brenda duket se është i dashuruar kokë e këmbë me Kiarën.
Kohët e fundit është aluduar se personi “misterioz” që fshihet pas Instagramit të Ejllit, që kujdeset për nevojat e tij dhe veshjet është një vajzë shumë e dashur për këngëtarin me të cilën prej kohësh ka një lidhje por që kurrë nuk ka folur për të. Të kthehemi tek byzylyku, që u bë dhe “molla e sherrit” në rrjet. Thuhet se ai është bërë dhuratë nga vajza “misterioze” dhe mbajtja në dorë e tij simbolizon se lidhja e tyre vijon. Duket se ka një pakt të heshtur mes dyshës së loja e bërë brenda nuk do të ndikojë në atë që do të ndodhë më vonë jashtë shtëpisë.
Ndërkohë këto zëra u përforcuan akoma më shumë pas një deklarate të bërë nga koreografi Graciano Tagani, i cili në emisionin “E diell” tha për një moment se çfarë mund të mendojë e dashura e Luizit jahstë shtëpisë për Kiarën. Deklarata e tij bëri një bujë të madhe dhe shërbeu dhe si një ri-start i fortë i gjithë këtyre aludime që mesa duket nuk janë të tilla.
“Jam kurioz të tij se çfarë mendon e dashura e Luizit për Kiarën”, tha Tagani.
Ende nuk ka pasur asnjë reagim për këto deklarata nga pala që ndodhet jashtë shtëpisë, për të pohuar apo mohuar fjalët ndërkohë që nga ana tjetër vetë Luizi brenda shtëpisë ka “kyçur” gojën për jetën jashtë duke shtuar dhe më shumë dyshimet.
