TIRANË– Gjykata e Tiranës është kapur në një rast të paprecdentë këtë të mërkurë. Diana Bahçja me origjinë nga Burreli por që jeton në fshatin Drisht të Shkodrës, nëna e një foshnje të porsalindur në vend që të ishte duke u kujdesur për të momentalisht ndodhet në burgun e grave në Tiranë pas ekzekutitimit të vendimit të Gjykatës. Bahçja është dënuar nga gjykata me gjobë, pasi pas ndarjes nga burri i parë, martesë nga e cila kishte një vajzë, nuk i ishte përgjigjur detyrimit që kishte për fëmijën. Ky pretendim jo vetëm që është hedhur poshtë nga zonja por ajo shton se është dhunuar nga ish-burri i saj. 3 vite pasi Diana Bahçja mori gjobën, Gjykata e Shkallës së Parë Tiranë, vendosi ta konvertonte dënimin nga gjobë në 50 ditë burg, pa marrë parasysh faktin se ajo është nënë e një fëmije të porsalindur.
Pse Gjykata është në shkelje?
Kodi Penal i Republikës së Shqipërisë parashtron shumë qartë e në rastin kur nëna është shtatzënë ose ka fëmijën nën 1 vjeç, atëherë ekzekutimi i vendimit për dënim edhe në rast se është i drejtë, do të duhet të shtyhet derisa bebi të mbushë 1 vjeç. Kjo nuk ka ndodhur në rastin e Diana Bahçjas, e cila tani po vuan dënimin në burgun e grave në kryeqytet. Momentalisht për fëmijën duke u kujdesur i shoqi, Naim Bahçja bashkë me mbesën e tij 11-vjeçare.
“Për dënimet me burgim deri në dy vjet ose kur kjo kohë është pjesë e mbetur e dënimit, sipas një vendimi për një periudhë më të gjatë burgimi, gjykata mund të vendosë vuajtjen e dënimit të dhënë me qëndrimin në shtëpi të të dënuarit, në një shtëpi tjetër private apo në një qendër të kujdesit dhe të shëndetit publik, kur ekzistojnë rrethanat e mëposhtme: a) Për gratë shtatzëna ose nëna me fëmijë, nën moshën 10 vjeç, që jetojnë me të.”, thuhet në ligj.
Deri më tani lidhur me rastin nuk ka pasur asnjë reagim nga institucionet.
