TIRANË– Ministrja e Shtetit për Sipërmarrjen Edona Bilali ka deklaruar këtë të premte pas mbledhjes së qeverisë se është ndryshuar ligji për mbështetjen dhe zhvillimin e start-upeve. Sipas Bilalit kjo është bërë që nomadët dixhital të përfshihen në këtë koncept.
Edona Bilali: Miratuam ndryshimin e ligjit për mbështetjen dhe zhvillimin e start upeve, bëhet për efekt të përfshirjes e një koncepti, që njihet si punonjës të lëvizjes dixhitale, për punonjës që shfrytëzojnë teknologjinë për të mos punuar në një vend fiks, por që lëvizin në të gjithë botën. Është një iniciativë që është përqafuar nga shumë vende të botës. Në Shqipëri janë 100 nomadë që operojnë, ato nuk do konsiderohen rezidentë tatimor, do të kenë të drejtën që deri në 1 vit të punojnë nga Shqipëria për gjithë botën. Start up Albania- 38% të përfituesve ishin të kthyer nga emigrimi, synojmë që këtë vit të rrisim eficencën e shpërndarjes së fondeve por dhe të shkurojmë kohën e disbursimit të granteve. Mendojmë se këto ndryshime do të përbëjnë ndryshim të radhës për këtë target grup.
