TIRANË– Kur kanë kaluar pesë ditë nga masakra e Don Boskos detaje të reja kanë dalë në dritë në lidhje me ngjarjen e rëndë që tronditi kryeqytetin e la të vdekur banakieren 60-vjeçare Mimoza Paja dhe plagosi pesë të tjerë mes tyre mbesën e mitur të viktimës pasi breshëria e kallashnikovit sulmoi lokalin e Fatjon Miuratit. Mësohet se ka dyshime të forta se autorët e ngjarjes së rëndë të jenë nga Fushë Kruja.
Po ashtu mësohet se prej disa ditësh disa persona qatrkullonin me motor të zi dhe kontrollonin zonën. Syri Tv shkruan se në vendin e ngjarjes ka qenë i pranishëm një efektiv policie, i cili është arrestuar mbrëmjen që ndodhi ngjarja.
Atentati mafioz ndodhi mbrëmjen e 12 marsit në zonën e “Don Boskos” ku breshëri kallashnikovi u gjuajtën drejt lokalit në pronësi të Fatjon Muratit, një emër i njohur për botën e krimit. Murati dyshohet si i përfshirë në masakrën e e Fushë Krujës ku i vratë mbeti Brilant Marzinaj dhe dy miqtër e tij Diklen Vata dhe Besmir Hoxha. Fatjon Murati njihet si miku i Endrit Dokles. Si pasojë e të shtënave me armë mbeti e vrarë Mimoza Paja, 60 vjeçe, e cila punonte si banakiere si dhe u plagoaen 5 persona mes tyre dhe një vajzë 10-vjeçare që u dëmtua nga xhamat e thyer si pasojë e të shtënave. Të plagosurit e tjerë janë Sahit Murati (xhaxhai i Fatjon Muratit), Astrit Meraj, Emanuel Sala, Ermir Bejuku, Genc Shohalli, të gjithë jashtë rrezikut për jetën.
