TIRANË– Kryetari i Bashkisë së Bulqizës Lefter Alla ka dalë sot para togave të zeza për tu gjykuar për akuzën e korrupsionit dhe abuzimit në tenderat publikë, akuza të ngritura nga Prokuroria e Posaçme Kundër Korrupsionit dhe Krimit të Organizuar. Bashkë me Allën para trupës gjykuese kanë dalë dhe dhe zyrtarët e tjerë të arrestuar në bashkinë e Bulqizës.
Akuzat e ngritura ndaj tij kryebashkiuaku i Bulqizës, arrestuar dy ditë më parë i ka cilësuar si politike ndërsa gyjyqin ndaj tij si gjyq publik. Por nuk kanë munguar as nënkuptimet për partinë që ai përfaqëson, pasi në një moment ai është shprehur “më mirë të më thoni hap krahun” duket se ky mesazh është për Partinë Socialiste dhe kryeministrin Edi Rama.
Lefter Alla: Në gjykimin tim më mirë të më thoshin hap krahun, se sa të bëhen këto gjyqe politike.
Kryebashkiaku i Bulqizes Lefter Alla u arrestua dy ditë më parë me urdhër të Prokurorisë së Posaçme Kundër Korrupsionit dhe Krimit të Organizuar SPAK. Ndaj tij rëndojnë dy akuza, atë për korrupsion dhe abuzim me tenderat publikë. Bashkë me Allën është vënë në pranga dhe nënkryetarja Enkelejda Lleshi dhe 11 të tjerë që janë identifikuar si: Rubin Kola, Erion Isaku, Leonard Daci, Arsen Gjoka, Kujtim Zogu, Denis Xholi, Rasim Daci, Dalo Gazidedja Aqif Konesha, Kastriot Ibrahimaj, Ana Nishku.
