TIRANË– Gjykata e Posaçme Kundër Korrupsionit dhe Krimit të Organizuar (GJKKO) ka dhënë masën e sigurisë “arrest me burg” për kryebashkiakun e Bulqizës Lefter Alla. Alla akuzohet për korrupsion dhe abuzim me tenderat punblikë. Po ashtu Gjykata ka lënë në burg edhe zëvendëskryetaren e bashkisë Bulqizë, Enkeleda Lleshi dhe zyrtarët e tjerë të arrestuar.
Kryebashkiaku i Bulqizes Lefter Alla u arrestua dy ditë më parë me urdhër të Prokurorisë së Posaçme Kundër Korrupsionit dhe Krimit të Organizuar SPAK. Ndaj tij rëndojnë dy akuza, atë për korrupsion dhe abuzim me tenderat publikë. Bashkë me Allën është vënë në pranga dhe nënkryetarja Enkelejda Lleshi dhe 11 të tjerë që janë identifikuar si: Rubin Kola, Erion Isaku, Leonard Daci, Arsen Gjoka, Kujtim Zogu, Denis Xholi, Rasim Daci, Dalo Gazidedja Aqif Konesha, Kastriot Ibrahimaj, Ana Nishku.
