BERAT- Ervin Demo është rikonfirmuar si kandidat i Partisë Socialiste për një mandat të dytë në bashkinë e Beratit. Lajmin e ka bërë me dije drejtuesi politit i qarkut Berat Bledi Çuçi.
Në një postim në Facebook Çuçi shkruan se kishte besim tek kandidatura e Demos, duke e cilësuar rizgjedhjen e tij si rezultat të punës që ka bërë këto katër vite.
POSTIMI I PLOTË:
Në Asamblenë e Partisë Socialiste konfirmuam Ervin Demon si kandidati ynë për zgjedhjet e 14 majit. Besimi për një mandat të dytë është rezultat i punëve të mira që janë bërë këto 4 vite në Berat dhe garanci për vazhdimin e projekteve e investimeve që shndërrojnë këtë bashki në një qendër të rëndësishme të turizmit në vendin tonë.
