LIBRAZHD– Një ngjarje e rëndë është regjistruar mesditën e kësaj të diele në fshatin Kakavec të Prrenjasit ku një granatë e vjetër ka shpërthyer duke lënë të plagosur tre persona mes tyre dy gra.
Të plagosurit janë dërguar menjëhere në spital ku ndodhën nën kujdesin e bluzave të bardha jashtë rrezilut për jetën.
NJOFTIMI I POLICISË:
Në fshatin Kakavec, bashkia Prrenjas, rreth orës 12:00, shtetasi O. E. dhe shtetaset Y. B. dhe D. B., duke punuar tokën me bel, aksidentalisht ka shpërthyer dyshohet një granatë e vjetër dhe për pasojë, këta shtetas janë plagosur në gjymtyrët e poshtme, janë transportuar menjëherë në spital dhe ndodhen jashtë rrezikut për jetën.
Në momentin e shpërthimit të granatës, kanë qenë duke punuar edhe 2 vëllezërit, bashkëshortët e shtetaseve të mësipërme, të cilët nuk kanë pësuar dëmtime.
Grupi hetimor vijon punën në vendngjarje për sqarimin e plotë të rrethanave të këtij rasti.
