VLORË-Një ngjarje e rëndë është regjistruar në Vlorë. Mësohet se babë e bir të identifikuar si Xhevdet Barushi 62 vjeç dhe Albion Barushi 30 vjeç janë gjetur me plagë thikë buzë trotuarit në lagjen ‘1 Maj’. Sipas Policisë ka qenë dhëndri i familjes i identifikuar me inicialet R.K autorui i ngjarjes.
Ata janë gjetur në trotuar ku më pas janë transportuar me urgjencë drejt Spitalit Rajonal Vlorë ku ndodhen nën kujdesin e mjekëve. Autori i ngjarjes është shpallur në kërkim nga blutë e qytretit bregdetar dhe po punohet për kapjen e tij.
NJOFTIMI I POLICISË:
Rreth orës 21:30, në lagjen “1 Maji”, dyshohet se pas një konflikti të çastit për motive të dobëta, shtetasi R. K., ka plagosur me mjet prerës thikë, vjehrrin dhe kunatin e tij, shtetasit Xh. B., rreth 60 vjeç dhe A. B., rreth 30 vjeç, të cilët ndodhen në spital, nën kujdesin e mjekëve. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes. Shërbimet e Policisë po kontrollojnë zonën me qëllim lokalizimin dhe kapjen e autorit të dyshuar.
