TIRANË– Ka nisur me replika dhe tensione të forta mbledhja e Komisionit të Sigurisë në Kuvend. Opozita kërkoi që të ishin të pranishëm ministrat dhe drejtori i Policisë së Shtetit për të dhënë sqarime. Ndërkohë pas pushimeve kryetari i Komisionit Nasip Naço duket se e humbi për një moment duke ngatërruar emrin e Drejtorit të Përgjithshëm të Policisë së Shtetit duke iu referuar Gledis Nanos si kryepolic dhe jo Rrumbullakut. Pas kësaj deklarate deputeti demokrat Ervin Salianji iu përgjigj me ironi duke i thënë se është aq i tronditur sa i ka ikur zëri.
Replikat:
Paulin Stërkaj: I bën mirë të vijnë, ministri të përgjigjet si në çdo interpelancë tjetër. Nuk ka asnjë problem që të jetë këtu, ta gjejnë kohën. Drejtori i policisë, ministrat..
Nasip Naço: Keni të drejtë, cilin ministër të vijë, Xhaçka? Kë keni kërkuar? Si mund të vijë Gledis Nano në komision?
Ervin Salianji: Je kaq i tronditur sa të ka ikur dhe zëri. Edhe tonaliteti të ndryshon, shihet kur ka ministra përballë edhe zëri të ndryshon, ne themi pse nuk vjen ministri ky e ka mendjen te atë që hoqën.
