TIRANË– Kryeministri Edi Rama ka ‘lëshuar’ gojën gjatë fjalës së tij në ceremoninë e inagurimit të spitalit të ri të Sëmundjeve të Brendshme në Qendrën Spitalore Universitare “Nënë Tereza”. Teksa mbante fjalimin para të pranishmëve kreu i qeverisë ka ironizuar opozitën duke thënë se në kohën e tyre nuk dihej kush ishte mjeku e pacienti, shitësi apo blerësi duke shtuar se nuk dihej kush kishte ardhur për të vizituar gjoksin e kush për të blerë sytjena.
Edi Rama: Sot na duhet vetëm që praktikat më të mira t’i aplikojmë siç duhet. Faleminderit për durimin, më vjen mirë që ne jemi ende këtu dhe tanimë të gjithë ju e shihni se puna për të transformuar këtë vend që e dini siç ishte dhe nuk dihej kush ishte mjeku e pacienti, shitësi, blerësi, kush kishte ardhur për të vizituar gjoksin e për të blerë sytjena, sot është tjetër gjë. Durim dhe durim sepse më e mirë është ende përpara.
