BRITANI– Kryeministri Edi Rama ka nisur këtë të enjte një vizitë zyrtare në Britaninë e Madhe. Para takimit me homologun Rishi Sunak kreu i qeverisë ka dhënë disa intervista për mediat britanike. Kështu së fundmi “Daily Mail” ka zbardhur intervistën e Ramës në emisionin “BBC Today” ku kreu i qeverisë ka dënuar Rama deklaratat e përdorura nga politikanët britanikë ndaj emigrantëve shqiptarë. I pyetur nëse po kritikonte mënyrën sesi politikanët britanikë i kanë përshkruar emigrantët shqiptarë që shkojnë në Britani përmes La Manshit, apo stereotipizimin e shqiptarëve, Rama u përgjigj: “Të dyja janë të vërteta.”
Rama kërkoi nga britanikët që të mos lejojnë që “disa mollë të kalbura” t’i japin formë perceptimit të tyre për shqiptarët.
“Ashtu si Britania nuk është James Bond apo Mr. Bean, edhe nuk jemi vetëm “Taken”, u shpreh Rama duke iu referuar filmit të Liam Neeson ku shqiptarët portretizohen si trafikantë të qenieve njerëzore.
