TIRANË– Kryetari i Partisë Demokratike Sali Berisha ka këshilluar ish-ministrin e Ekonomisë dhe Financave Arben Ahmetajn që të bëhet i penduari i drejtësisë. Ish-ministri është vënë nën akuzën nga SPAK dhe ndaj tij rëndojnë tre akuza të ngritura. Deklaratën Berisha e bëri gjatë fjalës së tij në seancën e kësaj të enjteje në parlament.
Sali Berisha: Do informoj për Ahmetaj, i cili është vendosur në hetim, kam mbështet dhe mbështes çdo zbatim ligji, theksoj se ai është përgjegjës ndër më kryesorët në aferën e inceneratorëve, ai ka firmën në transferimin e atij të Elbasanit dhe të Fierit. Ahmetaj ka miratuar me firmë të gjitha procedurat antiligjore të ndjekura në këtë proces, ai ka qënë i lidhur si mishi me thoin me Mërtirin dhe Zotit. Njëri ka punuar edhe në kompaninë e tij Hermes. Kryeautori është një dhe ai e ka emrin Rama. Afera, 700 milionëshe e inceneratorëve nuk bëhej pa insistimin e Ahmetaj. Në daljen e tij të fundit u shpreh se qeverinë nuk mund ta lëvizja unë, ua them unë, kurrë nuk e lëviz dot një ministër qeverinë por kryeministri. Rama e lëvizi. Ahmetaj ka përgjegjësi të plotë se nuk mbikqyri plaçkitjen e parave, e del e thotë ‘ndiq paratë’, ndjeki po edhe ti do mbetesh në atë vorbull, se jep këshilla pasi tu kujtua. Një ministre i shkruante se kjo kompani nuk ekziston, edhe kompania u krijua në gusht të 2017. Ka patur para teje ministra që nuk i kanë firmosur. Shko dhe arresto Lefterin atje për ti bërë qefin Belindës. Dëgjo mua, arrestove Lefterin për t’i bërë qefin Belindës, nuk të shkojnë intrigat. Ahmetaj të shkojë atje, po kreu i Meduzës është Rama, e morët vesh se u gjetën miliona te mafiozi. Ke vetëm një rrugë, të bëhesh i penduari i drejtësisë, ke vjedhur për të vjedhur, po bëhu i penduar, që të tregosh të gjitha gjërat e kësaj qeverie
