BRITANI-Kryeministri Edi Rama ndodhet në Britaninë e Madhe ku po zhvillon një vizitë zyrtare. Pasditen e kësaj të enjte është pritur në një takim nga kryetari i Parlamentit britanik Lindsay Hoyle. Kreu i qeverisë ka ndarë fotot nga takimi si dhe detaje nga biseda “kokë më kokë” të zhvilluar me Hoyle. Sipas Ramës kryeparlamentari i ka shprehur keqardhjen për retorikën shqetësuese që është përdorur ndaj shqiptarëve nga politikanët britanikë.
POSTIMI I RAMËS:
Londër – Takim me Kryetarin e Kuvendit të Mbretërisë së Bashkuar, Lindsay Hoyle, i cili shprehu keqardhje për retorikën shqetësuese ndaj shqiptarëve dhe duke nënvizuar domosdoshmërinë e luftës së përbashkët kundër rrjeteve kriminale, theksoi vlerat e pamohueshme të komunitetit shqiptar në Britani, si edhe ngriti lart rolin e Shqipërisë në arenën ndërkombëtare.
